Tarixin Ritmi və Dadların Sehrində - ETİHİ Ağsu Rayon Komitəsinin İçərişəhərə Unudulmaz Səfəri

Elm və Təhsil İşçiləri Həmkarlar İttifaqı Respublika Komitəsi-nin təşəbbüsü və ETİHİ Ağsu Rayon Komitəsi-nin təşkilatçılığı ilə əməkdaşlar İçərişəhər Dövlət Tarix-Memarlıq Qoruğu-na ekskursiya ediblər.

Xebercimedia.az xəbər verir ki, Qoşa Qala qapısından başlayan gəzinti zamanı iştirakçılar qala divarları və qədim giriş qapıları, tarixi ticarət yollarının keçdiyi ərazilər, şəhərin ilkin formalaşmasını əks etdirən memarlıq nümunələri ilə yaxından tanış olublar. İçərişəhərin əsrlərin sınağından çıxmış tarixi ruhu hər addımda hiss olunub.

Ekskursiya çərçivəsində iştirakçılara İçərişəhərin zəngin kulinariya ənənələrini və memarlıq irsini birləşdirən xüsusi qastro-irs proqramı da təqdim edilib. Proqram səhər yeməyi ilə başlayıb, baş aşpazın təqdimatında qədim yeməklərin hazırlanması üzrə ustad dərsi və milli naharla davam edib. Sonda isə şirniyyat ustası ilə canlı dərs və ənənəvi çay mərasimi iştirakçılara unudulmaz anlar yaşadıb.

Bu təşəbbüs Azərbaycan Həmkarlar İttifaqı üzvlərinə İçərişəhərin həm tarixi ritmini, həm də zəngin dad mədəniyyətini yaxından kəşf etmək imkanı yaradıb. Qeyd edək ki, növbəti mərhələlərdə digər rayon və şəhər komitələrinin, eləcə də üzv təşkilatların əməkdaşlarının da bu ekskursiyalara cəlb olunması nəzərdə tutulur.

#AHİK #ETİHİ #İçərişəhər #DövlətTarixMemarlıqQoruğu #Ekskursiya