"Zəfər Günü" ilə əlaqədar olaraq ATİAHİ Ağsu Rayon Təşkilatının Sədri xanım Sevinc Beybudovanın təşkilatçılığı ilə şəhid ailələri, qazilər və müharibə iştirakçıları ilə görüş keçirilmişdir

Bu gün "Zəfər Günü" ilə əlaqədar olaraq ATİAHİ Ağsu Rayon Təşkilatının Sədri xanım Sevinc Beybudovanın təşkilatçılığı ilə şəhid ailələri, qazilər və müharibə iştirakçıları ilə görüş keçirilmişdir. Görüşü giriş sözü ilə açan xanım Sevinc Beybudova dövlətimizin daima şəhid ailələrinə, qazilərə, müharibə iştirakçılarına verdiyi dəstəkdən danışaraq, onlara istənilən dövlət qurumunun, sıravi vətəndaşların qürur mənbəyi kimi baxmalı olduğunu vurğuladı. ATİAHİ- nin hər zaman istər təhsil sahəsində çalışan, istərsə də digər sahələrdə xidmət edən şəhid ailələrinə, qazilərə, müharibə iştirakçılarına daima imkanları daxilində dəstək olmağa hazır olduğunu bildirdi.
Tədbirdə iştirak edərək çıxış edən şəhid valideynləri,qazilər, iştirakçılar Sevinc xanıma göstərdikləri diqqətə, qayğıya görə təşəkkür etdilər.
Biz də Xebercimedia.az olaraq şəhidlərimizi unutmayan,daima qazilərin, müharibə iştirakçılarının yanında duran, onlara qayğı, diqqət və hörmətlə yanaşan ATİAHİ- nin direktoru cənab Araz Paşayevə, ATİAHİ Ağsu Rayon Təşkilatının Sədri xanım Sevinc Beybudovaya təşəkkür edirik.

Hazırladı: Valid Musayev