Ağsu Rayon Mərkəzi Xəstəxanasının təşkilatçılığı ilə Gəgəli kəndində səyyar həkim qəbulu keçirilib

Aksiyanın məqsədi ucqar kəndlərdə yaşayan sakinlərin tibbi xidmətə əlçatanlığını təmin etmək, onların sağlamlıq vəziyyətini yerində qiymətləndirmək və ehtiyac olduqda müvafiq müalicə tədbirləri görməkdir.
Xebercimedia.az xəbər verir ki, Səyyar qəbul zamanı müayinələrdə həkim-pediatr, həkim-mama-ginekoloq, həkim-kardioloq, həkim-terapevt, həkim-laborant ixtisaslı mütəxəssislərdən ibarət heyət tərəfindən kənd sakinlərinə tibbi baxış keçirilib, EKQ (elektrokardioqram) müayinələri aparılıb. Bundan əlavə, müayinələr zama3nı səhhətində problem aşkarlanan sakinlərə peşəkar tibbi məsləhətlər verilib, müvafiq müalicələr təyin olunub və ehtiyacı olanlara Ağsu Rayon Mərkəzi Xəstəxanasına gəlib daha ətraflı müayinələrdən keçməsi tövsiyə olunub.
Ağsu Rayon Mərkəzi Xəstəxanası tərəfindən təşkil olunan səyyar həkim qəbulu digər ucqar kəndlərdə də davamlı olaraq keçirilməsi davam etdiriləcək.