Natiq Ağayev şəhid ailələrinə xüsusi diqqət və qayğı göstərir

Göyçay Rayonun Cəyirli nümayəndəliyinin ərazisində təmizlik işləri aparılıb

Göyçay rayon icra hakimiyyəti başçısının Cəyirli kənd inzibati ərazi dairəsi üzrə nümayəndəliyinin təşkilatçılığı ilə nümayəndəliyə daxil olan Türkmən, Qubadlı Şıxlı və Cəyirli kəndlərinin ərazisində yol kənarları və Yuxarı Şirvan kanalının ətrafı məişət tullantılarından təmizlənərək, ərazidə abadlıq işləri aparılmış, mövcud yaşıllıqlar suvarılaraq aqrotexniki qulluq göstərilib.

Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Göyçay Rayon İcra Hakimiyyətinin başçısı Natiq Ağayev barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.

Bəzi internet saytlarında Göyçay Rayon İcra Hakimiyyətinin başçısı Natiq Ağayev ilə bağlı böhtan xarakterli məlumatlar dərc edilir. Amma məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, Natiq Ağayev haqqında yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır.
Bəzi saytlar bunun əksini yazmaqla cəmiyyət arasında ajiotaj yaratmağa çalışırlar. Amma alınmayacaq.

Göyçay Rayon İcra Hakimiyyətinin başçısı Natiq Ağayev qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Natiq Ağayevin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Natiq Ağayev səlahiyyətləri çərçivəsində hər cür köməklik göstərməyə həmişə hazırdır.