Ağsu RMX-da Cərrahi Təhlükəsizlik Üçün Yeni Addım: Dilarə Mirzəliyevanın Rəhbərliyi ilə Təlim Keçirildi

Ağsu Rayon Mərkəzi Xəstəxanasının Keyfiyyətə nəzarət və onun idarə olunması komitəsinin rəhbəri Dilarə Mirzəliyeva tərəfindən Cərrahiyyə şöbəsinin cərrah-həkimləri, əməliyyat bloku və anesteziologiya-reanimasiya şöbəsinin tibb işçiləri üçün Cərrahi Təhlükəsizlik üzrə Yoxlama Vərəqəsinin tətbiqinə dair təlim keçirilib.
Təlimin keçirilməsində əsas məqsəd cərrahi müdaxilələr zamanı risklərin azaldılması, komanda daxilində effektiv kommunikasiyanın təşviqi, cərrahiyyə prosedurlarının standartlara uyğun həyata keçirilməsi, pasiyent təhlükəsizliyinin maksimum səviyyədə təmin olunması və cərrahi təhlükəsizlik vərəqələrinin istifadə qaydalarının aşılanmasıdır.