Ağsu Rayon Mərkəzi Xəstəxanasında Xocalı soyqırımının 33-ci ildönümü ilə əlaqədar tədbir keçirilib

Tədbirdə ilk olaraq 1992-ci ilin fevral ayının 25-dən 26-na keçən gecə Xocalı soyqırımında həlak olan soydaşlarımızın, o cümlədən Azərbaycan torpağının bütövlüyü uğrunda canlarından keçən bütün şəhidlərimizin əziz xatirəsi bir dəqiqəlik sükutla yad edilib.
Xebercimedia.az xəbər verir ki, Tədbirdə çıxış edən direktor Gülnarə Muxtarova Xocalıda Azərbaycan xalqına qarşı törədilmiş qəddar cinayətdən danışaraq bildirib ki, Xocalı soyqırımı - sadəcə insanların deyil, insanlığın öldürüldüyü, bəşər tarixinin ən qanlı cinayətlərindən biridir.
Tədbir zamanı çıxış edən digər həmkarlar da Xocalı soyqırımında törədilmiş dəhşətli hadisələrdən danışaraq bildiriblər ki, Xocalı qətliamı Azərbaycan xalqının tarixində erməni faşistlərinin insan təfəkkürünə sığmayan vəhşiliklərinin acı nümunəsidir.
Allah şəhidlərimizə rəhmət eləsin!