Tramp: İsrail Qəzzada 60 günlük atəşkəslə razılaşdı

“İsrail 60 günlük atəşkəs üçün lazımi şərtlərlə razılaşıb və bu müddət ərzində biz müharibəni dayandırmaq üçün bütün tərəflərlə çalışacağıq".

Bu sözləri ABŞ prezidenti Donald Tramp deyib.

O qeyd edib ki, onun nümayəndələri israillilərlə Qəzza mövzusunda uzun və məhsuldar görüş keçiriblər:

"Sülhün əldə edilməsinə köməklik edən Qətər və Misir bu yekun təklifi təqdim edəcəklər və ümid edirəm ki, HƏMAS bu razılaşmanı qəbul edəcək, əks halda vəziyyət yaxşılaşmayacaq".