Rayon İcra Hakimiyyətində bələdiyyələrlə görüş keçirildi

22 noyabr 2023-cü il tarixdə Göyçay Rayon İcra Hakimiyyətinin inzibati binasında rayonun şəhər və kənd bələdiyyələri ilə görüş keçirildi.

Görüşdə rayon icra hakimiyyətinin başçısı Natiq Ağayev, Göyçay Regional Ədliyyə İdarəsinin rəisi Elnur Əsədov, RİH başçısı aparatının əməkdaşları və bələdiyyələr iştirak ediblər.

Görüşdə bələdiyyə vergilərinin və rüsumlarının yığılması vəziyyəti, bu sahədə mövcud olan problemlər müzakirə edilmiş, yerli vergilərin və rüsumların yığılması sahəsində məlumatlandırma və təbliğat-təşviqat işlərinin gücləndirilməsi, həmçinin bələdiyyə ərazilərində təmizlik və abadlaşdırma qaydalarını pozan şəxslər barəsində qətiyyətli tədbirlərin görülməsi barədə müzakirələr aparılmışdır.