Bəyannamə ölkəmizin beynəlxalq nüfuzunu artırır

2021-ci il 15 iyun tarixində Şuşa şəhərində imzalanmış “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” iki ölkə arasında strateji əməkdaşlığın daha da dərinləşməsinə və yeni inkişaf mərhələsinə keçidinə şərait yaradan mühüm sənəddir. Bakı–Tbilisi–Ceyhan, TANAP və digər layihələr bu əməkdaşlığın praktik nəticələrini nümayiş etdirərək, həm regional, həm də beynəlxalq enerji təhlükəsizliyinə mühüm töhfə verir. Bu layihələr eyni zamanda investisiya axınını artıraraq iqtisadi sabitliyin möhkəmlənməsinə şərait yaradır.Nəqliyyat və tranzit sahəsində əməkdaşlıq da xüsusi əhəmiyyət daşıyır. Şərq–Qərb və Şimal–Cənub dəhlizləri üzərində birgə fəaliyyət Azərbaycan və Türkiyəni Avrasiya məkanında əsas logistik qovşaqlardan birinə çevirir. Bu isə ticarət dövriyyəsinin artmasına və regionun iqtisadi inteqrasiyasının sürətlənməsinə səbəb olur.Sənəd humanitar və texnoloji sahələrdə də əməkdaşlığın genişlənməsinə şərait yaradır. Təhsil, innovasiya və sənaye sahələrində birgə layihələr iqtisadi inkişafın davamlılığını təmin edən mühüm amillərdən biri kimi çıxış edir. Bu əməkdaşlıq modeli hər iki ölkənin modern iqtisadi struktura uyğunlaşmasını sürətləndirir.