Suraxanı rayonunda 44 günlük Vətən müharibəsi şəhidlərinin anım günləri qeyd olunur

Suraxanı rayonu, Qaraçuxur qəsəbəsində yerləşən "Xanım Fatimeyi-Zəhra" məscidində “Vətənpərvərlik nümunəsi: qazilik və şəhidlik məqamı” mövzusunda tədbir keçirilib

Tədbirdə şəhid ailələrinin üzvləri, Vətən müharibəsi iştirakçıları, Suraxanı Rayon İcra Hakimiyyətinin başçısı Adil Əliyev, Dini Qurumlarla İş Üzrə Dövlət Komitəsinin Bakı regional bölməsinin müdiri vəzifəsini icra edən Anar Kazımov, Qafqaz Müsəlmanları İdarəsinin Suraxanı rayonu üzrə qazısı Qurban Əliyev, DQİDK və RİH-in əməkdaşları, eləcə də din xadimləri iştirak ediblər.
Əvvəlcə xalqımızın Ümummilli Lideri Heydər Əliyevin, Azərbaycanın suverenliyi, müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib, ruhlarına dualar oxunub.
Tədbirdə çıxış edən Rayon İcra Hakimiyyətinin başçısı Adil Əliyev, Dini Qurumlarla İş Üzrə Dövlət Komitəsinin Bakı regional bölməsinin müdiri vəzifəsini icra edən Anar Kazımov torpaqlarımızın ərazi bütövlüyü uğrunda gedən döyüşlərdə şəhidlik zirvəsinə yüksələn qəhrəman oğullarımızın göstərdiyi şücaət nümunələrindən danışıblar.
Qeyd olunub ki, Müzəffər Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusu tarixi Qələbə qazanaraq şəhidlərimizin qisasını düşməndən layiqincə alıb.
Tədbir müzakirələrlə davam etdirilib.

Bu gün Suraxanı Rayon İcra Hakimiyyətinin başçısı Adil Əliyev növbəti səyyar görüş keçirib

Suraxanı Rayon İcra Hakimiyyətinin başçısı Adil Əliyev 279 saylı tam orta məktəbdə Qaraçuxur qəsəbəsi, Yeni Günəşli yaşayış sasəhinin sakinləri ilə görüşüb.
Səyyar görüşdə RİHB-nin müavinləri və şöbə müdirləri, dövlət orqanlarının yerli idarələrinin və xidmət sahələrinin rəhbərləri, qəsəbə sakinləri iştirak ediblər.
Sakinlər küçələrin asfaltlanması, işıqlandırılması, istilik xətlərinin yenilənməsi, həyətlərin abadlaşdırılması və digər sosial problemlərlə bağlı müraciət ediblər.
RİH başçı Adil Əliyev sakinləri narahat edən məsələlərə aydınlıq gətirib, qaldırılan məsələlərin həlli istiqamətində aidiyyəti üzrə tapşırıqlar verib və onların həlli nəzarətə götürülüb.
Qəsəbə sakinləri göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

Suraxanı rayonunda 44 günlük Vətən müharibəsi şəhidlərinin anım günləri qeyd olunur

Rayon İcra Hakimiyyətinin başçısı Adil Əliyev, RİHB-nin müavinləri, şəhid ailələri torpaqlarımızın işğaldan azad edilməsi uğrunda gedən döyüşlərdə qəhrəmancasına vuruşaraq şəhadətə yüksələn Əlimov Elvin Nəsrəddin oğlunun, Qasımlı Muxtar Əli oğlunun, Hüseynov Orxan Bəhmən oğlunun, Əliyev Yunis Zaur oğlunun, İslamlı Ruhid Uğur oğlunun, Yusubov Elzar Süleyman oğlunun, Əsədov Səbuhi Azər oğlunun, Şirinov Polad Seyran oğlunun, Qəhrəmanov Orxan Sərvər oğlunun məzarlarını, eləcə də ailə üzvlərini ziyarət edərək onların əziz xatirələrini ehtiramla anıblar.
RİH başçısı Adil Əliyev vətən naminə canını fəda edən, torpaqlarımızın ərazi bütövlüyü yolunda öz qanı ilə adlarını şəhidlik zirvəsinə yazan, müqəddəs amal uğrunda şəhid olmaqla əbədiyyətə qovuşan igid oğullarımıza Allahdan rəhmət, ailələrinə isə səbr diləyib.
O bildirib ki, Ali Baş Komandan cənab İlham Əliyevin rəhbərliyi ilə Vətən müharibəsində mənfur düşmənə ağır zərbə vuran, layiqli dərs verən, adlarını qəhrəmanlıq salnaməsinə yazmaqla vətənin bölünməzliyinə imza atan şəhidlərimizin adını uca tutmaq, əbədiləşdirmək, onların doğmalarına, ailə üzvlərinə təskinlik verərək diqqət və qayğı göstərmək hər birimizin vətəndaşlıq borcumuz, ən ümdə vəzifəmizdir. Hər biri bir qəhrəmanlıq dastanı olan şəhidlərimizlə qürur duyur, onların ruhunu ehtiramla yad edirik.