Nazim Məmmədov: Şanlı tariximizin parlaq səhifəsi

Qəbələ Rayon İcra Hakimiyyətinin Yenikənd İnzibati ərazi dairəsi üzrə nümayəndəsi Nazim Məmmədov Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.

Qəbələ Rayon İcra Hakimiyyətinin Yenikənd İnzibati ərazi dairəsi üzrə nümayəndəsi Nazim Məmmədov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Nazim Məmmədovin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Nazim Məmmədov səlahiyyətləri çərçivəsində hər cür köməklik göstərməyə həmişə hazırdır.

Qəbələ Rayon İcra Hakimiyyətinin Yenikənd İnzibati ərazi dairəsi üzrə nümayəndəsi Nazim Məmmədov - Azərbaycanın Zəfər tarixi Xankəndi, Xocalı, Ağdərə, Xocavənd və Əsgəranda üçrəngli dövlət bayrağımızın yüksəldilməsi, ərazi bütövlüyümüzün tam bərpası ilə yekunlaşdı. 2023-cü il noyabrın 8-də Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan təntənəli hərbi paradın keçirilməsi Qələbəmizin möhtəşəm simvoluna çevrildi. Bütün bunlar göstərdi ki, müharibədəki təcrübənin tətbiqindən sonra artıq antiterror əməliyyatı zamanı qısa müddətdə düşmən darmadağın edildi. Antiterror tədbirlərinə dünyada unikal əməliyyat kimi baxırlar, onunla maraqlanırlar. Çox sevindirici haldır ki, Müzəffər Ali Baş Komandanın rəhbərliyi ilə Azərbaycan Ordusunun əməliyyatları bu gün bütün dünyada dərindən öyrənilir.

Azərbaycan Ordusunun 2023-cü il sentyabrın 19-20-də həyata keçirdiyi lokal xarakterli antiterror tədbirləri dünya hərb tarixində nadir əməliyyatlarından biri hesab olunur. Əməliyyatın əsas hədəflərini Qarabağ ərazisində erməni silahlı birləşmələrinin və separatçı rejimin mövcudluğuna son qoyulması təşkil edirdi. Bundan əlavə, Ermənistanın baş naziri Nikol Paşinyanın qondarma “Artsax respublikası”nın yaranmasının ildönümü münasibətilə erməniləri təbrik etməsi bu mənfur dövlətin işğalçılıq siyasətinin mahiyyətindən xəbər verir. Həm BMT-nin qətnamələrinə, həm də Üçtərəfli Bəyanatın müvafiq bəndinə uyğun olaraq Azərbaycan Ordusu ölkəmizin ərazi bütövlüyünün və suverenliyinin bərpası istiqamətində lokal antiterror tədbirləri həyata keçirməyə məcbur oldu. Qondarma rejimin Ermənistan tərəfindən silahlandırılması, Qarabağ ərazisində terror aktlarının törədilməsi, azərbaycanlı mülki şəxslərə və polis əməkdaşlarına qarşı hücumlar bu əməliyyatı qaçılmaz etdi. Antiterror tədbirləri 24 saatdan da az vaxtda yekunlaşdı, qanunsuz erməni silahlı dəstələri darmadağın edildi. Eyni zamanda, bu, mülki əhaliyə heç bir zərər yetirilmədən aparılmış uğurlu əməliyyat kimi diqqəti cəlb edib. Nəticədə azərbaycanlılar öz tarixi torpaqlarına qayıtmaq imkanı əldə etdi. Lokal antiterror tədbirlərinin həyata keçirilməsi ilə Azərbaycanın ərazi bütövlüyü və suverenliyi tam təmin edildi. Fəaliyyəti sıfıra bərabər olan ATƏT-in Minsk qrupuna heç bir ehtiyac qalmadı. BMT-nin dörd qətnaməsinin tələblərini Azərbaycan özü yerinə yetirdi.

İşğaldan azad olunmuş ərazilərdə 2024-cü il fevralın 7-də prezident seçkiləri, sentyabrın 1-də isə parlament seçkiləri üzrə səsvermənin keçirilməsi olduqca qürurverici hadisədir.

Beləliklə, Azərbaycan Ermənistanın törətdiyi bütün təxribatları təmkinlə, qətiyyətlə dəf edərək, öz sülhsevər siyasətini dünyaya nümayiş etdirdi. Hazırda isə Qarabağ və Şərqi Zəngəzurda böyük abadlıq-quruculuq işləri həyata keçirilir. Keçmiş məcburi köçkünlər dogma yurd-yuvalarına qayıdırlar. Azərbaycan bütün bu uğurlara dövlətimizin başçısı İlham Əliyevin həyata keçirdiyi uğurlu daxili və xarici siyasət kursu sayəsində nail olub.