Seymur Orucov hər zaman şəhid ailələrinə xüsusi diqqət göstərir, onların problemlərini yerindəcə həll edir

1-ci Qarabağ müharibəsində itkin düşmüş şəhidimiz Əsəd Məmmədovun anasının vəfatının 3-cü günündə xatirəsi ehtiramla anılıb

Zəhra ananın Eynallı kəndindəki doğma evində keçirilən üç mərasimində Ağstafa RİH başçısı Seymur Orucov, məsul şəxslər, ictimaiyyət nümayəndələri iştirak ediblər. Şəhidlərimizin və onların dünyadan köçən doğmalarının ruhuna dualar oxunub, xalqımıza və dövlətimizə sülh və əmin-amanlıq arzu edilib. Şəhidin qardaşı Bahadur və oğlu Mehman Məmmədovlar, 1993-cü ildə Birinci Qarabağ müharibəsi zamanı gedən döyüşlərdə itkin düşən Əsəd Məmmədovun qalıqlarının işğaldan azad olunan torpaqlarda aşkar olunaraq 30 ildən sonra onlara təhvil verilməsinin Prezident, Ali Baş Komandan İlham Əliyevin gücünün və qətiyyətinin bariz nümunəsi olduğunu bildiriblər. Qeyd olunub ki, şəhid anasının 11 sentyabr 2023-cü ildə oğlunun doğma Eynallı kəndində torpağa tapşırılması ilə ən böyük arzusu həyata keçdi və onun ruhu daim olaraq şad olacaqdır.

Ağstafa Rayon İcra Hakimiyyəti başçısı yanında Şuranın növbəti iclası keçirilib

Seymur Orucovun sədrliyi ilə RİH başçısı aparatının inzibati binasında keçirilən iclasda rayonun hüquq-mühafizə orqanlarının rəhbərləri, başçının müavinləri, aidiyyəti təşkilatların və yerli özünüidarəetmə orqanlarının məsul şəxsləri, eləcə də ictimaiyyət nümayəndələri iştirak ediblər. RİH başçı gündəlikdə duran məsələləri diqqətə çatdırıb və iclası açıq elan edib. Başçının müavini-İctimai-siyasi və hümanitar məsələlər şöbəsinin müdiri Lalə Eyyubova rayonda əhalinin sağlamlığının qorunması üzrə dövlət proqramlarının təşkili, vətəndaşların sağlamlığının qorunması hüququnun həyata keçirilməsinə köməkliyin göstərilməsi, sağlam həyat tərzinin təbliği üçün müvafiq tədbirlərin görülməsinə dair geniş məruzə ilə çıxış edib. Rayon prokuroru Anar Cəfərov, rayon Polis Şöbəsinin rəisi Vüqar Xəlilov, Ağstafa Mərkəzi Xəstəxanası Publik Hüquqi Şəxsin direktoru Səyyad Yusifov, rayon Gigiyena və Epidemiologiya Mərkəzinin direktoru Zoya Nəbiyevanın məsələlər ətrafında aprılan müzakirələrdə fikirləri dinlənilib. Gündəlikdə duran digər məsələ - Ağstafa şəhərində, qəsəbə və kəndlərdə əhalinin, idarə, müəssisə və təşkilatlarda çalışanların iməclik keçirmək təşəbbüslərinin dəstəklənməsi, inzibati və sosial binaların ərazisində abadlıq işlərinin mütəmadi aparılması və abad həyat layihələrinin həyata keçirilməsinin təmin edilməsinə dair də geniş müzakirələr aparılıb. Hər iki məsələ ilə əlaqədar şura tərəfindən müvafiq qərar qəbul edilib.

Ölkəmizdə 2024-cü ilin “Yaşıl dünya naminə həmrəylik ili” ilə bağlı Ağstafa RİH-in Tədbirlər Planı çərçivəsində rayonda görülən işlər və qarşıya qoyulan mühüm vəzifələr müzakirə edilib

Ağstafa Rayon İcra Hakimiyyəti başçısı aparatının inzibati binasında keçirilən iclasda Seymur Orucov aidiyyəti üzrə məsul şəxslərə müvafiq tapşırıq və tövsiyələrini verib. Qeyd olunub ki, qarşıya qoyulmuş məqsədlərə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində görülən işlər daha da gücləndirilməlidir.