Beyləqanda Bəxtiyar Vahabzadənin 100 illik yubileyi çərçivəsində “Özümüzü kəsən qılınc” tamaşası təqdim edilib

10 oktyabr 2025-ci il tarixdə Mil-Muğan Regional Təhsil İdarəsinin tabeliyində fəaliyyət göstərən Beyləqan rayon Gəray Əsədov adına 1 nömrəli tam orta ümumtəhsil məktəbində, Xalq şairi Bəxtiyar Vahabzadənin 100 illik yubileyi çərçivəsində tədbirlərə uyğun olaraq, məktəbin Azərbaycan dili-ədəbiyyət müəllimi Rəqsanə Ağalıyevanın rəhbərliyi ilə məktəbin 9-11 sinif şagirdlərinin təqdimatında “Özümüzü kəsən qılınc” tamaşası oynanılıb.

Tamaşada izləyici qismində Mil-Muğan Regional Təhsil İdarəsinin rəhbərliyi, Mil-Muğan Regional Mədəniyyət İdarəsinin Beyləqan rayonu üzrə nümayəndəsi, Beyləqan rayon Mədəniyyət Mərkəzinin əməkdaşları, məktəbin müəllim-şagirdləri və ictimaiyyət nümayəndələri iştirak edib.

Beyləqan rayon Mədəniyyət Mərkəzinin “Gənclik” xalq teatrının əməkdaşları tərəfindən quruluşuna dəstək göstərilən tamaşa, şağirdlər tərəfindən olduqca professionalcasına oynanılmış və tamaşaçılar tərəfindən sürəkli alqışlarla qarşılanmışdır.

Sonda Mil-Muğan Regional Təhsil İdarəsinin rəisi Bəhruz Nəbiyev və digər natiqlər çıxış edərək tamaşanın yüksək səviyyədə təqdimatına görə yaradıcı heyətə və əziyyəti keçən hər bir kəsə minnətdarlığını bildirib və xatirə şəkilləri çəkdirilib.